“Nang leh hmeichhia hi ka indotîr ang che u a, i thlahte leh a thlahte pawh ka la indotîr bawk ang: chu mi chuan i lû a la tithitling ang a, nangin a ke artui i la tithitling ang.”
(Gen 3:15)
THUHMA
Chhandamna thu ah ”he khawvel ah sual a rawn lut a, chumi avang chuan mihring zawng zawng kan lo sual ta vek a. Isua in min rawn chhandam ta” han tih ngawt chuan tu a te mah hi kan lawm thei mang der hlawm tawhlo chu a nih ber hi maw!! A chhan chu a bulthum ka hrelo a, kan sualna kan hrelo a, chhandam kan ngaihna kan hre tak tak bawk heklo a ni thei ang em le? Pathian chu kan rilru in kan dem zawk mah a, kan puh sual deuh lek lek zawk fo thin. A bulthum kan hriat loh chuan a dawt zel hi hriatfiah ngaihna hi a awm tawh reng reng lo bawk.
Le, hetiang thil hlui lutuk haichhuah hi a tulna ka hre ngailo a, kum 15 chuang liamta ah khan ka lo tuipui ve tawh thin a, mahse a tangkaina ka hrethiam miau silo a, ka sawi ngailo a, sawi a tulna pawh ka hre lemlo bawk. Mahse tunhnai ah biakna diktak leh Pathian hunbi ruat leh Festivals diktak te kan han ngai pawimawh thar ta a, (Thlarau Thianghlim in min hriattir chho zel si a).
Chutah chiah chuan heng hmakhawsang thil diklo, pawimawhna an neih pawh ka hriatloh avanga ka lo hnuchhawn tawh hnu te hi an lo pawizia a tlai lutuk hma in kan han hrechhuak leh hnuhnawh ta miau mai si le. Heng hriatte hi an pawimawh a ni lo a, a dik hre tur chuan kan lo vawnthinte hi an diklo ani tih kan hriat hmasak a ngai a, kum sangtam kalta ah kan lo kalpenna chu kan hniak kan chhui kir leh poh mai a niang chu. Heti chung pawh a kan la harchhuak theilo a nih chuan kan thiamloh a ni tawh mai. Kan sawi ang a, kan pawm leh pawmloh chu keimahni theuh kan pawimawh tawh ang, tumah kan intilui theilo a, kan in rin kep thei bawk heklo.
THUPUI LAM AH AW
Kan Bible chang dahchhuah khi Pathian sawi a ni a, Bible prophecy hmasa ber a ni a, Chhandamtu lokal tur a hrilhlawkna hmasaber a ni bawk. Kan chik ber tur chu Rul thlah leh Hmeichhe thlah tih khi a ni. Dual meaning a nei tih khi kan hmuh thiam hmasak ber tur chu a ni. Pakhatna ah chuan rul thlah leh hmeichhe thlahte chu Setana leh Isua sawina a ni tih kan hmuthiam nghal mai a. Kan ngaisak tak loh, pawimawh ta em em si chu rul thlah tih khi a ni ta a ni. Rul thlah khi thlarau sualho ang ah kan ngai mai dawn em ni? Yahshua in rul a hnehtur thu sawina mai alawm kan ti a nih chuang engvangin nge rul ti felfai mai lova, rul thlah leh hmeichhe thlah a tih kher kher si ang? In lo ngaithuah tawh ngai em le?
Thupuan kan en chuan indona vawrtawp chu ”hnam leh hnam indona” a ni tih a inziak a, chu chu Genesis a thlah leh thlah indona nen hian an inzawm loh chuan awmzia a nei thei ta tlatlo a ni. Hnam leh hnam indona chu thlarau lam indona a ni vek ngawt theilo tlat. Armageddon indona chu mihring in an tan ang a, thlarau in an zo dawn tih kan hrethiam vek a ni lawm ni? Khawvel hnam ten Pathian hnam thlan Israelte an do rawn ang a, chutah Yahshua a rawn inrawlh ve dawn tih kan hre thiam si a. Thlah leh thlah indona chu mihring leh mihring indona a ni ta tlat a nih chu. Hmeichhe thlah hi mihring zawng zawng te hi ni dawn ta vek ila, chutiang a khawvel tawp a mihring zawng zawng kan tangrual ang a, ramhuaite nen kan indo dawn tih chu Bible ah a inziak bawk si lo. Tin, khawvel mihring zawng zawng hi kan tangrual ngai dawn bawk heklo tih chu hei a lang reng mai si. Chuvangin hmeichhe thlah hi a bik in Yahshua a nih chuan a lo pian chhuahna hnam Israel hnam hi hmeichhe thlah chu a ni tih kan pawm thei em le? Chu chu a nihloh chuan a dang puh tur a awm tlatlo. Chuan rul thlah chu kan en chuan Israel tunge do dawn tih kan en leh ang a, kan fiah chho kuar mai ang?
RUL IN THLAH A NEI TAK MEUH EM?
Kan sawi fo tawh a, Eden huan ah khan thu thup a tam em em mai tih hi. Eden huan mai pawh a ni lo, Bible pumpui ah hian thuthup a tam khawp mai. A hunte ah hunbi ruat ah zel chungte chu Thlarau Thianghlim in mihringte a rawn hriatfiah tir chho ta zel mai a ni. A hriatfiahtir lohte lo hriatthiam theih a nilo bawk. Ka sawi esoretic mah mah em? Chu chu ka sawi tum pawh a ni chiah lo a. Thu hi thup hunlai a awm a, tun a kan thu chaite hi kum 500 kalta ah khan lo haichhuak se, awmzia a nei dawn miah lo, a chhan chu a hun a la thleng miau silo a. Tun hun erawh hunhnuhnung, chhuan hnuhnung, engkim tawpna hun ah kan lut chho tawh a, kan hriatloh chuan a pawi tawh zawk a, hriat a hun tawh a ni e. Chuvangin chhut a, chik a, hriatthiam tum a, beng chhiat chuan keimahni in va chhutchhuak ve kher pawh a ngailo, miin an chhut chhuak tawh a, chungte chu haichhuah ila, a inmil em tih en ila, a dik chuan pawm ila, ring ila, insufai turte chu insufai mai tur kanni ka tihna a ni e.
Eden huan ah let leh hrih ang aw. Rul kha keinin a rul kan tih hi a nilo tih kan lo sawi fo tawh kha. Mihring ang mai a upright position a kal ani tih pawh Pathian ngeiin ”Tun a chin ah bawkvakin i kal tawh ang”(Gen 3:14) a tih hnuhnawh atang khan a rawn thlem lai kha chuan a rawn bawkvak lo tih a lang reng mai. Kan mitthla dan hi kan herhmil hret chu a ngai a ni e. Le, mihringten inherited sin kan lo put theihdan chu sexual sin leh genetic atang chuah lo chuan engmah hi a inherit theihloh tih kan sawi tawh a, chu chu sexual sin a ni tur tih kan sawi fiah vek tawh a. Kha mai kha a la ni ngawt lo deuh. Rul chuan chi a thlah ve a ngai ta tlat mai a, chutah chuan hmeichhe pakhat chiah a awm si a, chu hmeichhia ah chuan rul chi chu a telve a ngai ta tlat mai a, chu chu serpent seed lo intanna chu a ni lo thei ta lo a ni.
(Genetic engineering mihring in kan hriatthiam hnu ah chiah hei hi a theih tih kan hrethiam ve ta chauh a ni. A thiam zawk ten lo chik mai ula. Rul chi chu a telve dawn chuan chromosome a tel tihna ani a, chromosome chu rul in a nei ve dawn em ni, chromose siamtu chu DNA a ni tih kan hrethiam a, DNA chu code a ni tih kan hrethiam bawk a, Setana tih tur zawng chu chu code chu overwrite/tamper zeuh a ni mai. Heihi thlarau kan hmelhriat dan lar deuh kan pawm mawl tawp a nih chuan a theih ngaihna kan hrethiam mai lovang. Thlarau hi higher dimension a ni a, keini hi lower dimension kan ni thung a, an duh chuan apparition ang chauh pawn an in transform thei a, an duh chuan form an duh duh an rawn la thei bawk tih Genesis 6 chho ah vantirhkoh tlusual ten an awmna pangngai kalsan in, matter form an rawn la a, mihring fanute an pawl a, fa, demi-gods lian pui pui an thlah tih ah khan kan hrethiam bawk awm e. Chungho chu nephilima kan ti, milian pui pui te kha anni. Hybrid Sex hi hman ah chuan a theih a, tun ah chuan khap a ni ta ti ta mai ila, kan hrethiam mai awm e.)
(Quantum physics atang pawh in solid, liquid,gaseous te hi matter siamtu atom an inhlat dan a zir a chutiang ni thei mai chu a ni tih kan hrethiam vek tawh a. Gaseous form a atom te hi a aiin han inhlat leh ta se, light in a chhun thei tawhloh chin ah chuan an visible tawhlo ang a, chumi awmzia chu light an escape thei tihna a ni mai a, chu chu higher dimension emaw thlarau realm chu a ni tak mai theih hmel a ni, a tak ah chuan lower dimension atang chuan kan la thei ve lo lek anih mai zawk hmel.)
Evi chuan fapa pahnih a nei ta a, kan Bible en mai chuan Adama fapa te pahnih annih mai hmel. Mahse Aramaic Targum lam kan en chuan Evi chuan ‘‘Tun ah chuan Lalpa puihna in fapa ka nei ta” a tih a ‘Lalpa’ tih tak kha ‘Samael’ tih a ni tlat thung. Samael chu Sam(poison) sawina a ni a, El chu Pathian sawina, chumi awmzia chu Venom god (Tur pathian) sawina a ni tlat. Chu chu Serpent sawina chiah a nih tihna a nih chu.
ARAMAIC TARGUM BUAINA CHU
(Genesis 4:1)”Tin, Adama chuan a nupui Evi chu a pâwl a; tichuan a rai a, Kaina a hring a, “LALPA tanpuiin mipa ka lo nei ta”
He Bible chang hi Scholars ten an ringhlelh chu a ni ta a ni. He chang ah hian paih, siamthat a awm em ni an ti ta a ni. Thenkhat chuan Dead Sea scroll ah Gen 4:1 a bo tlat te, Gen 4:2 atang chiah a awm te hi an rinhlelh tizual a ni pakhat a.
Aramaic Targum lam ah lah chuan ti hian a inziak ngei mai bawk si a.
“ And Adam knew his wife Eve, who was pregnant by Sammael, and she conceived and bare Cain, and he was like the heavenly beings, and not like earthly beings, and she said, I have gotten a man from the angel of the Lord.”
Ni e, Kristian, Bible diklo theilo a pawmtu leh Judaism hnawl tuten Aramaic Targum lo AMEN dual chu kan inbeisei hauhlo, kan Bible ah thil thenkhat kan enmil tur an awm ve ta thung a ni.I John 3:12 ah chuan “Kaina, mi sual laka mi…..mahni unau thattu” a ti kalh mai a. Khawvel a tualthat hmasa ber hi tunge a nih chiah? Isua thusawi phen ah hian enge awm tih hi chhui kan tum chu a ni.
John 8:44 ah chuan “Nangni zawng in pa Diabola hnena chhuak in ni a, in pa duhzawng tih in duh a ni. Ani chu a tir ata tualthat a ni, thutakah a awm lo, a chhungah thu tak reng a awm loh avngin. Dawt thu a sawiin ama tihchhuah a sawi a ni thin; dawthei a ni si, dawt pa pawh a ni” a ti leh ta kalh mai. Hei hi Yahshua hian a ti ve mai mai nge, a risk deuh nge, thlarau lam thil a ni nge, a phen ah hian thil kan hriatloh a awm ni ta le?
Matthaia 3:7 ah chuan “Rul thlahte u! thinur lo thleng tur hi tlansan turin tuinnge zilh che u?” tiin Pharisaite leh Saddukaite kha a hau a, kha kha a ti ve mai mai nge Eden huan nen inzawmna an nei ni ta ang le? A pawng a pui a nihna lo pui a rul thlah a inpuh hi a lawmawm dawnlo nasa, enge a phen ah awm ang?
(Hetah tak hian a nia, Babylon saltanna atanga lo haw leh zing ah khan Juda tak nilo, Juda saphun an lo let telve bawk a, chungte vang che em ni, BC 250 chho vel ah chuan Babylon philosophy, Greek Philosophy, Roman philosophy ten Juda society chu a chiah nasa chho ve ta em em mai a, duh fir pawl an lo chhuak a, Pharisaite khan YHWH kaihhruaina leh Thupekte(Written Torah) kha duhkhawp lovin, Oral Torah(Legalism) chu an rawn vawrhchhuak ta chiam chiam mai a, Pathian Thupekte chu an Mihring thute chuan an tikhirh chho ta vak vak mai a nih kha. Chu chu Yahshua khan a haw em em a, a hnu a Puala do ber “Dan Anchhedawng” a tih tak vak vak pawh kha he Oral Torah Legalism chiah hi a ni ta a ni. Hei chu doc dang ah chip zawk in kan sawi tho e.)
Han chhui let leh deuh ta ila, Khatia Evi’n thei eiloh tur a ei tak a thil inmun kha mi hian an lo chik khawp mai.
II Kor 11:3 a “Nimahsela, rul chuan a ngamthlemna in Evi a bum ang khan” tih hi a tawngbul lam ah chuan THU(WORD) mai a thlem ngawt a nilo, THILTIH(ACTION) a nei a ni an ti a, chu chu Pathian in Gen 3:13 a hauh khan “Engthil nge I TIH tak” a ti ta chiah a ni. Rul khan eng thil nge maw a tih chiah le?
He ta TIH(Done) thumal hi Hebrew Strong#6213-PIEL tih a ni a, chu chu “to produce” emaw ” To press immodestly the breasts of a woman” tihna a ni kher a, Genesius definition ah chuan “sexual commotation” a pe bawk. A Greek leh Latin tawng a lehlin ah te pawh facere, perficere, conficere mulierem, euphemism for sexual intercource tih a ni bawk.(Fesselii Advers. Sacra,lib. ii.cap.23.) Chu chu Ezek 23:3,8 ah kan hmuh ang chu a ni.
Ezek 23:3 Aigupta ramah an hur bo va, an tleirawl teta hur an ni a, chutah chuan an hnute an dek a, an tleirawl hnute chu an hmehsak hrep a.
Ezek 23:8 A tleirawl tet ata a hnute an dehsak fo thin leh an mutpui thin avângin Aigupta atang khan a hur a bang chuang hek lo, anni pawhin an hurna a chungah an tlingtla a.
A tir ata tualthat chu Kaina a ni a, chu chu Isuan Diabola nen a zawm ta tlat mai a nih chu.
Gen 4:25 ah chuan “Tin, Adama chuan a nupui chu a pâwl leh a: tichuan ani chuan fapa a hring leh a, a hmingah chuan Setha a sa a: “Pathianin Abela aiah chi thlah dang mi ruatsak ta; Kaina chuan amah a that ta si a,” tih a ni.
Kaina alo piang a, Abela a lo piang ve leh a, chhan awm manglo ah unau an in vawhlum ringawt! A mak in ti em? Rul thlah leh hmeichhe thlah an indo chho tan der tawh tihna a ni e. Chutichuan Adama chu kum 130 mi a nih chuan fapa a nei leh ta a, Setha chu……….hmm……..Kaina line chu an la kalzel a, Abela line chu a tawp ta a, Setha line in a rawn awi nung ve leh ta thung e.
Tin, Abela leh Setha te hian Adama hmasa leh Adama hnuhnung, Isua chu an lo entir daih tawh bawk. Setha’n Abela a rawn awinung ang chiah khan Adama chu Yahshua’n manking ang in a rawn awinung ta kha a miniature in kan hmu a ni e. Zawhna in neih ka ring deuh, MLTP Act hnuai a sualna kharkhip a fel tum te chuan engatinge Pathian in rul thlah chu a tir ah a prohibit mai lo, engatinge a phal? Zawhna hlir.. zawhna hlir….. a ni mai a.
Thudik chu Pathian a a THU hi cho a ni a, chu chona chu a nature pakhat JUSTICE chuan a pawm a ngai a, a hmelma nen chuan equal chance nei zel a an kal chhoh chauhvin a tawp a a chotu chu a diklo a, Pathian chu a dik a, sualna chu sual a ni tih a langchhuak thei dawn chauh a ni e. Chuta tan chuan he thlah pahnih hi an awm a ngai a, an indo a ngai a,chu hun chu kum 6000 ruat a lo ni reng mai zawk a ni ber e.
Chutichuan Kaina line, rul thlahte chu khawchhak lam ah an pem ta a, an inthlah pung ve ta zel bawk a. Kaina line hi insak lam a mithiam chungchung(masonry) leh rimawi lam a mithiam chungchung(musicians) te leh ranvulh lam a kalte leh indo hriamhrei(war armaments) lam mithiamte anni. Hengho hi tunlai kan FreeMasons ho leh Illuminati ho line kalzel ang a ngai pawh an awm a, an dik pawh a rinawm bawk.anni tih Bible chuan min hrilh bawk.
Zawhna : Engvangin nge Kaina kha Adama thlah, a anpui a nih chuan Adama thlah, a anpui tih a sawi a nih ve loh? Engvangin nge Kaina in a nau Abela a thah avang mai a Adama line chu a tawp ang a ngaih a nih a, a hnu ah Adama kum 130 a nih a a fa chu Adama anpui, a thlah tih a sawi a nih ta daih? Kaina chu Adama anpui, a thlah ah chhiar a ni tlatlo! In hmuthiam em? Law of Inheritence Dan a kalh tlat tih in hre mai em le? Kaina hi Adama fa ang a ngaih a ni lo tih chu thup tum ni eng ang mah se la, kan haichhuak ta a ni e. Eden huan ah hian INBUMNA, PAWNGSUALNA, UIRENA a inphum ta tlat mai a nih chu, THUP DUH NGAWIH NGAWIH an awm ang tih chu mi a nilenglo chuan kan hrethiam mai awm e. Kan nu ber Evi hi bumna hmang a pawngsual, tihnat a ni a, uirena ah bumluh a ni ta a, chu pawngsualna atanga lopiang chu tunge? Thlah a nei em? Tutenge a thlahte chu? keini hi kan lo ni reng zawk ang em? Chu chu Pathian in a ngaidam em? kan en zel ang.
GENESIS BUNG RUK : NOVA TE CHHUNGKUA
Serpent seed aka Kaina Line hi tuilet ah khan an chimit tlatlo mai le, Nova te chhungkua a culprit, serpent seed chu kan zawn a ngai ta e)
(Chuan kum sangkhat chu a lo liam a, Nova te hun ah kan lut chho ta. He hun hmasa ber hi dispensaton ah chuan age of Conscience tih a ni a, miten Pathian chu an chhia leh tha hriatna thiang hmangin an be mai a, sakhuana a la awm hrihlo. sakhaw diklo pawh a law awm heklo, mi te chu tawngkhat in an la inbe pawp vek bawk.
Nova fapa Ham a fapa Cush a chuan nupui hmeltha zet mai, khawvel la chawk buaitu tur chu a nei tih reng a inring phak ngai awm der si lo. A hming chu Semiramis a ni. A chhan ka hrelo, hmeltha hi an khawlo duh a mawni henu atang hian Babulon sakhaw diklo,vawiin ni thleng a khawvel la chawk buaitu chu a lo parchhuak ta hluai mai ani. A bul deuh atang in ti law law ang aw. Serpent seed hi kan ring a, ka chhui dawn a nih chuan Kaina atanga khan kan chhui tan angai a. Hmmeichhe thlah leh rul thlah an indo dawn chuan chi an thlah ve ve a ngai a, puh turdang a awm ngang lo, Kaina leh abela ah kan chhui tan lo theilo, Abela (mihring hmansa) chu a thi ta a, Adama chuan fa anei leh a, Setha(mihring hnuhnung) chuan a rawn thlak leh ta chiah a nih kha. ( Adama leh Isua hlimthla in hmu thiam em?
Chuan kaina line hi kan rinhlelh tur chu a ni ta anih chu. kan pa, a tir ta tualthat chu tunge le? Kaina khan a nau Abela a thah khan miin an thah ve a hlau a Pathian khan a mark kha a sawichhuak a, kha mark kha enge ni ang le? kei chuan pigment a nih ka ring e, chu chu a vun a hang tihna a ni e, chu chu annunakis, grey aliens, serpent seed, Krishna nen lo chhuizawm ve tawh mai rawh u, Chuan Nova pafa 3 zing ah chu skin color chu sawichhuah a ni ta chiah a, Hama kha a vun a hang bik ta tlat mai le, a pa chu Nova, Semetic, Shema thlah a ni si a, a nu tunge, Nova hian nupui 1 chiah a nei lo a nithei em, kan en leh a ngai ta a ni)
Tuilet ah khan Kaina line chu an thi vek em? Nova chu Setha line a ni si a? A fapate pawh Setha line tho. Mahse midang 4 chhui tur an la awm e, Nova nupui leh a monu 3 te. Heng hmeichhe 4 te hi Setha line an nih leh nih loh a chiangta derlo mai le. Tuilet hma a thilthleng chu Pathian fapate leh mihring fanute an inneih pawlhna leh inpawl kha Gen 6:2 ah leh 6:4 ah vawi 2 kan hmu ta tlat mai a ni,. Inhnai em em a ziah nawn a nih kher kher nachhan chu thil 2 sawina a nih a rinawm thei ta tlat bawk a ni.
1.Gen 6:2 ah hian Setha(Pathian fapate) tlang a cheng ten Kaina line (mihring fanute) phaizawl a chengte zing a an nulate hmeltha an ti emaw, nulate chuan an lo lem ta a, innehpawlh a thleng ta sawina a nih theih hmel. A bik a kan ngaihbel duh chuan chung zing ah chuan Nova leh a fapate zing a mi(Setha line) ten Kaina line a nulate nupui ah an neih thu thuthup a ni theih ta tlat mai bawk. Helai a tawngkam lang tel -inneihpawlh tih hi chhinchhiah ila.
2. Gen 6:4 ah thung chuan vantirkohten mihring fanute innei kherlo in an pawl a nih hmel ve leh thung, chumi innei kherlo a hybrid sex vang chuan demi-gods, nephilims, milian an lo piang anih hmel. (Zeus leh Hercules en thawnthu te kan en chuan chu chu min kawhhmuh tlat a ni). Tuilet hnu a Novan grep zu a rui, a saruakna leh a tupa Kanaan-a anchhe dawn kha kan chinfel tur chu a ni ta a ni. Nova saruakna hmutu kha a fapa Hama (Hametic line tobul) a ni a, mahse a hmutu nilo, a hmutu fapa Kanaana chung ah anchhia a tla daih thung. A mak in ti ve thin em? Thil inthup kan haichhuah a ngai ta a ni.
Tah hian theory tamtak a rawn chhuak ta a, sawi vek lo mai ila, engpawh nise, Nova nupui emaw, Cusha nu(Ham nupui emaw hi Kaina line annih a rinawm ta ber a ni. Tuilet hlim a la ni a, chhungkaw pakhat chiah an dam khawchhuak a, unau an inneih pawlh lo theilo tih hre bawk ila. Cush a nupui Semiramis a rawn langsar leh ta nawlh mai le. A hmelthat thu chu kan sawi tawh kha. An fapa Nimrod-a atang hian khawvel ah serpent seed leh YHWH dodalna leh sakhaw diklo leh Daniela mumang a sakawlh Lalram chu a rawn taidarh ta chum chum mai dawn ta a ni. Pathian in mihringte kha khawvel a kal darh a, inthlahpung a, khawvel chu luahkhat tur in a beisei a nih kha. Nimahsela chumi do zawng chuan Nova tuchhuan Nimroda, Lalpa hma a sapel mi, michak a rawn che na ta em em mai a ni. Nimroda hming awmzia hi HELNA(rebellion) tihna a ni a, sapel mi a ni a,hunter’s spirit an tih- finna tlachham ramsate pelh mai duhtawk tawh lovin, finna a amah khinglet ve thei ngei, a mihring puite pelh a chak chho ta em ni aw a ih theih ta tlat mai, chu chu hunter’s spirit an tih chu a ni si a. Thisen chhuak chak in a tuihal ta tlat mai a ni.
Helai ah hian tawngbul lamah chuan ‘Lalpa hma a sapel mi’ tih hi ‘Lalpa do zawng a sapel mi’ tihna a nih theih bawk thu a inziak tlat a ni. English leh Mizo tawng Bible ah erawh chuan an letling tello thung. Shinar phaizawl ah khawpui a din ta a, mihringte chu a khalhkhawm a, Sakhaw diklo leh Sakawlh Lalram chu a rawn din ta luah mai a ni. Tah hian a nu Semiramis-i chuan Lalnu nih alo duhve avang nge, a fapa nen chuan nupa ang in an inkawp ta tlat mai a ni. A rai ta a, a fapa chu Ni(sun) pathian lak a mi tiina puang ta a, YHWH dona Babylon thil tenawm em em mai chu a lo intan chho dawn ta a ni.
Heta tang hian Cush-a, Semiramis, Nimrod-a, Tammuz te kan rawn chhui chho tan dawn ta a ni. Heng in a kaihhnawih hi a tenawm lutuk a, in phu zawk zawk mai thei a ni, I cross awrh thleng khan a kaihnawih ang tih pawh ka hlau khawp mai.Kan duhtawk leh phawt ang a, tunge i nih? tunge ka nih tih hi a rawn lang chho ruak ruak mai dawn a ni.
Hei hi kan hriatfiah chuan OT a Israel faten ram an luah dawn a, an chhehvel a hnam dangte Pathian YHWH in a renlohzia te, chimih thak thak tur a a tihna chhan te, heng hnamdangte hi Rul thlah kalzel an lo nih reng hmel zia te, chuti chung chung pawh a YHWH in chhandamna an chan theih nan a Israel hnam 10 te, BC 720 atanga chung hnamte zing a khawvel a a thawnbo tak vek thu te kan en chho ang a. Yahshua in a rawngbawl tantirh a, Israel berambo te lam tur a lokal a nih thu te leh Hnambo Theory te kan en chho zel ang chu.
Hei hi i chhiar zawh ah Grafted In(Olive tak leh Olive suak) kha i chhiar zui dawn nia.