Grafted In

RECAPITULATION:

Serpent Seed post-ah khan Kaina atangin Pathian remruat ni miah loin Setana Blood line an lo pian ve thu kan sawi tawh a, chu line leh Pathian remruata Adama leh Evi Blood line lo piang ve nen an indo tur thu kan sawi a, chu indona chu Kaina leh Abela atangin a intan chho a, Abela chu Setha’n a rawn thlak a, an indo chho ta mup mup a, chu chu vawiin thlenga hnam leh hnam indona lo awmna chhan leh a vawrtawpa Hmeichhe thlah leh rul thlah indona chu Middle East-ah Isuain Armageddon hmangin a hmawr a rawn bawk dawn a ni tih kan lo sawi tawh a nih kha. Chu indona chu kumin 2013-ah hian Middle East-ah a intan lo beisei bawk la, kum 3.5 an indo h

mel a, sawi loh theih ni hek lo le, kan han thet leh poh a ni ang chu. A hun a thleng dawn tawh si a.. Isuan, “Ka hming avangin hnam tinreng huat in la ni ang” a tih ang khan huat chu kan hlawh dawn lo thei lo, mahse huat zawng zawng hlawh huama sawi hi chu kan tih tur a ni si.

Hei le… Rul thlah leh Hmeichhe thlah indona, Israel leh Jentail indona chu…… I tan lam i thlan sual chuan hnawl i ni dawn bawk a nia aw…..

THUPUIAH:

“Tin, a zar thenkhatte chu tih tliaha a awmin, nang, olive suak ni a, anmahni zinga zawmin i awm a, oliv thinga thatna zung tawm ve tawh i nih chuan…”

“Nang olive suak reng ata sah ch

hum mah, pian dan lo anga olive thing thaah zawma i awm chuan….” (Rom 11:17 – 33 pumpui hi chhiar ni se)

Heng a chunga Bible chang ka rawn dahte khi in lo chhiar ve fo tawh thin ngei ang, kei pawn ka lo chhiar ve fo tawh, mahse tun hnaiah chiah a awmzia ka zuk hre chhuak thei nia. Bible hi zirin chhiar fo mah ila, a awmzia hi kan

lo hre miah lo thei tlat mai nia.Khi changah khian thil pahnih sawi lan an awm a, chungte chu OLIVE TAK leh OLIVE SUAK a ni.

Khimi thual chiah khian post hmasaah Serpent Seed leh Woman Seed kan lo sawi tawh bawk kha. A tlukpui dang mi tinrengin kan hriat lar em emte chu Israel leh Jentile, Law leh Grace, Ran Thisen leh Yahshua Thisen, Sabbath leh Sunday, Judaism leh Christianity……..hmmm…..a dang pawh an la awm nual ang.

Tirhkoh Paula’n “Olive thinga a suak zawm” a tih hi hi eng nge a awmzia nia i hriat le? Olive thing hi eng nge? Olive suak chu eng nge? A chhanna dang a awm thei lo, Olive thing chu Israel hnam sawina a ni a, Olive suak chu Jentail hnam sawina a ni mai e. Genealogy atanga kan en chuan Olive tak chu Shema line, Olive suak chu Japheta leh Hama line, a chiang ti r’u? A aia bul zawk kan en duh a nih chuan rul thlah leh hmeichhe thlah indona kha a bul chu a ni e. (Gen 3:15)

Paula thusawi hi Judaism-ah Jentailpa zawm chungchang a sawina a ni tlat mai le. Chu chu eng nge a awmzia? Yahshua khan Christinity hi a rawn din a ni lo vem ni? Tirhkoh 12 te kha Judaism atang khan an pawl chhuak a ni lo vem ni? Tirhkoh Paula khan Judaism atangin pawl a chhuak a ni lo vem ni? Ni hauh lo mai le! Judaism dik tak atangin Judaism suak kha an do a, an chhuak hauh lo, siam that hna an thawk a ni zawk e. Roman Sakawlh politics-a inbumna kum 1700 zeta upa chu kan rawn thet dawn e.

Jentailte’n Yahshua an rin ve chiah hian, chu Pathian Olive kung, Judaism-ah chuan zawm an ni ve ta chiah tihna a ni zawk e. Judaism hi sakhua a ni ngawt lo tih kan hrethiam tur a ni bawk; rin dan, hnam, culture, customs & traditions, ei leh bar, incheina, nunphung zawng zawng hi Judaism chuan a keng tel vek a nih chu, a tawi thei ang berin Judaism hi identity a ni e. Chuan Yahshua hian kung hlui (Judaism) hnawlin kung thar (Christianity) a rawn phun lo tih Paula rawn sawi dan khi en chik a ngai ta tlat a ni. Mahse kung hlui chu a nihna ang diak diak ni lo, thenfai a nih tur a ni thung, chu chu Yahushua zirtir 12 te leh a hnu zela Yahshua ringtute hma chhawp chu a ni ta zawk a ni e.

Nimahsela, chu Judaism siam that tumna chu a tiak tirhte atang reng khan khaptu, dodaltu leh haw em emtu a awm nghal a, Isua zirtir 12 te leh an kaihza vengtu Juda pachalte chu an thi zo ta chiah a, eng thil nge lo thleng ta le? Jentail pachal, Greek mi thiam leh Rome mi thiam leh Coptic mi thiam, Alexandria khaw mi thiamte’n Kohhran an rawn hruai ta puk mai a ni, hetah hian thil mak tak in hmu em? Khaw nge Juda ringtu hmasate kha an awm zawh tak le?

Kum za a liam chho ta a, chu olive suak (Jentail kung) rawn thang chho chu tihduhdahna hmanga tihrem tum a ni ta phawt a, mahse an pung tual tual mai si. He laiah chiah hian a nia AD 100 hnu lama chu Kristian rawn tiak tantir atanga Juda-te chu an til leh zo a, Jentailte’n a fawng an rawn chelh chho ta vek mai leh Emperor Constantine inlarna leh Kristian chu Rom sakhuaa a puang ta rup mai leh Nicia Council 325 AD-a a ko ta rup mai kan rinhlelh tak em emna chhan chu. Tah tak hian thiam em em maia Setana’n Olive kunga Jentailte zawm a phawi dan leh Jentail kung (Greek leh Roman kung) a kui thiah tak zawk daih mai chu a rawn intan ta a ni.

TROJAN HORSE:

(A pawn atanga i hneh theih loh chuan, a chhungah luhchilh rawh)

Kum 300 a lo liam leh chuan Emperor Constantine chu Setana chuan a Trojan Horse-ah a rawn thlang ta chat mai le. A lalram (Roman Empire)-ah chuan hnam, an hmuhsit em em Juda hnam leh an zirtirna chuan headlines a siam chho nasa em em mai a, ram an la zur zur mai a, a phek buaiin a ram chu a buai a ni, chu buaina chu chin fel dan chikhat chiah a awm, chu chu “Pawn atanga tihduhdahna hmanga i chin fel theih loh chuan, a derin a chhungah lut ve mai rawh” tih hi a ni.

A ram awp chu a tih pawh ni lovin Jentail kohhran pa ten kum sang chuang Juda pachalte an lo inhnialna ni ngai reng reng loh doctrine of God leh doctrine tesepah an inhnial ta nuai nuai mai a nih kha. He laiah hian khatih hun lai politics and sakhaw nun kha a buai em em mai a, kil tinah runtu a nei a, a chhungah lah a mite chu an inhnial nasa em em mai bawk. Hei hi Constantine a bul tan pawh ni lovin, chu rinna lo thang duang em em mai chu Isua tum lohin Setana chuan tih dan pangngai te tein a rawn her dik lo chho ta a ni. Khatia Judaism lo thang lianin Jentile-te a hip khawm ruih ruih ta mai kha a en reng a, chu Judaism chuan Rom civilisation, culture leh identity chu a lem pil thei mai dawn tih a hrethiam ta tlat mai a ni ber. Chu chu Olive kunga Jentail-te (serpent seed-te) Yahshua thisenin a zawm chu pawt phawi a, ROMAN KUNG-ah a zawm ta kan tih chu a ni e.

Chumi rah chu eng nge ni le? Judaism paih thlain Kristianna, Christendom (Krista rawn din hmaa Krista Lalram lem lo din khalh tumna) a lo piang ta luah mai a ni, chu chu a dik lo lutuk kan tih tak chu a ni e. Yahshua tum chu Dan hnawl (Torah hnawl) a ni lo a, Thuthlung hmasa an bawhchhiat avangin a thisenin Thuthlung ngai chu, mi zawng zawng huap zo turin a siam thar a ni mai zawk. A teaching, instructions leh guidelines te thlak bur an ni reng reng lo, ran thisena inthawina erawh kum tin hman ngai tawh lovin, vawikhat atan a thisenin a rawn hlen chhuak a ni mai zawk.

Constantine-a pawikhawih ni ta ber chu Olive thing taka a suak phun chu a pawt phawng a, Olive suak, Roman Jentailism a.k.a Christianity thingkung dang a phun ta hi a ni. Grace period hun chhung a ni rih hlauh mai a, min khawngaih a, keini’n kan lo ring ve fan bawk si a, khawngaihna avang liau liauin, kung dik lo a phun sawn pawh chu min la chawm zui ta zel zawk a ni e. He khawngaihna hun inkhar chho turah hian a mite hnenah Pathian YHWH chuan a thlarauin a dik lo chu a rawn puang zar chho ta a ni e, hei hi khawvel hmun tinah tun lai hian a thleng chho mek zel a, YHWH Thlarauin a hipte chu an harh chhuak chho mek zel e. Lem a harsa em em ang tih chu a hriat, mahse, kan kristianna hi Olive kung, Judaism-a zawm leh kan nih vat loh chuan amah ngawt hi zirtirna dik a tling lo a, a dik a pai lo bawk a ni e.

He thil avang hian Nicea Inkhawmpui chuan AD 325-ah chuan tum nei ranin Bible (Canon) chu an phuah khawm ta a, Isua zirtirte lehkhathawnte ngei ngei chu canon-ah zuk han telh duh lo a mawle!! Paula lehkhathawn erawh Torah dodalna’n a that dawn em avangin Paula ziah loh dan lutuka zirtirna thar support-tu atan an seng lut ta tuarh mai thung…..an thluak han thatzia hi Setana brainchild a ni tih hi kum 2000 deuh thaw hnuah hian Pathianin RESTORATION & JUDGEMENT a rawn kalpui dawn takah hian khuh hawn a lo ni chho dawn ta a ni e. Hun hnuhnungah chuan Christianity hi tluksan kohhran a ni dawn a, Sakawlh nen an inthlun zawm leh chiah dawn tih hi Thupuan bung 3-ah chiang taka hrilhlawk a ni si a.

TORAH AWAKENING: (The 2010 Awakening kan tih bawk chu)

(Nova hnenah Pathianin ni 7 chiah a la awm khan, “Tun atanga ni 7-ah tui ka tilet tawh dawn e, lawngah lut tawh rawh u le” a rawn ti ta ang chiah khan leh ” Pathianin a zawlneite hriattir hmasa lovin engmah a ti lo vang” tih ziak ang khan, Daniela Hapta layer hnuhnung ber 1947/8 atanga chhiar tan chu kum 2010-ah chuan Hapta (kum) 62-na a lo zo ta chiah a, chumi hnuah chuan Hapta (kum) 7 a rawn inpharh leh tan chiah a, chu chu a hlimthla Nova tuilet a ni 7 hmaa Pathianin Nova a rawn hriattir ang chiah khan, 2010-ah hian khawvel pumah Torah Awakening hi a rawn thleng chho tan a, kan ramah pawh hei kum 2 hnuah 2012 atang khan kan lo harh thar ve tan ta a, chumi rah chu he post hi a ni e. Prophecy lam chu post dangah chipchiarin kan khel zawk dawn nia)

Israel hnam (Olive kung) hi YHWH-in a la paihthlak lohzia leh an la rawn din chhuah leh turzia hi Bible-in a sawi chiang em em mai a, chumi hretu leh ringtu chu kan ni vek deuh thawin ka ring hial mai. Torah (teaching & Instructions) hi Pathian YHWH hian a la hnawl lo a ni tih hi hrethiam ang u, kan tisual duai thei a nia, Chu chu Bible-ah hian hmun tinrengah a inziak chek chuk si a. Christian Sola Gracia, Sola Fidei, Sola Scriptura hi a lo tawk ngawt lem lo tlat mai le.

“Torah thu emaw, zawlneite thu emaw tiboral tura lo kal ka nih ring suh u; tiboral tura lo kal ni lo va, tifamkim*(pleeroo= preached) tura lo kal ka ni zawk. Tih tak meuhvin ka hrilh a che u, lei leh van hi a boral hma loh chuan Torah ami chhun han te tak te emaw, thai han te tak te emaw, pakhat mah a boral tawp lo vang, a zaa a thlen kim hma loh zawng. Chutichuan, tupawh heng zirtirna te ber zingah hian pakhat pawh bawhchhia a, chutiang ti ve tura mite zirtir apiang chu, van ramah chuan mi te ber an ti ang; amaherawhchu, tupawh zawma, zirtir ve apiang chu, van ramah chuan mi lian an ti ang. In felnain lehkhaziaktute leh Pharisaite felna hi a khum loh chuan, van ramah in lut tawp lo vang tih ka hrilh che u a nih hi.” tih ziak a ni si a. (Matthaia 5:17-20 )

Isua hian TORAH, ‘DAN’ tia dik ziktluak loa a hming an vuah tak, Divine TEACHING & INSTRUCTION hi a rawn tibang miah lo tlat mai le, Tlangaupui tura lo kal a nih zawk thu a sawi a nih chu!! BUMNA hi a van TURU tak em!!

Chhandamna thubul kan sawi lo a nia aw, life-style, ringtuin nun dik a zawh dan tur zawk a nia kan sawi. Chhandamna thu bul chu rinna, Isua thihna leh thawhlehna a ni zel ang, mahse chhandam fate kan nung dik thei tlat lo hi kan buaina chu a ni a, a chhanna kan rawn chhawp chhuak dawn a ni e.

Yahshua’n “Ka thu-ah awm reng rawh u” a tiha “Ka THU” a tih fo kha eng nge ni bera in hriat le? Hetah tak hian a nia, Isua hi OT-a Angel of YHWH kha a ni kan tihna chhan chu, Mosia hnena TORAH rawn petu, Vantirhkoh kha, chu chu Mikaela kha a ni tlat a ni. Chu TORAH chu lungphek 2-ah ngei a pe a, chu lungphek 2 chu mihring THINLUNG hi a ni e. Chu TORAH chu a ni Isua’n, “Ka THU” a tih fo chu ni. “Tupawh mi duh lova, ka thusawite vawng lo chuan thiam loh chantirtu pakhat a nei a ni, ka thusawi kha, kha mi thu ngei khan, ni kin niah chuan amah chu thiam loh a la chantir ang.” (John 12:48)

Matthaia 28:20-ah chuan “Thu ka pek zawng zawng che u pawm turin zirtir rawh u…” tih a ni a, mawhphurhna a lo lang chho leh ta e. Yahusua hi Mosia hnena Torah petu kha a ni a, angel of YHWH, Yahushua ngei chuan “Torah tibang tura lo kal ka ni lo” a ti ta chiah a nih chu. A hlauhawm khawp mai, tihsual a hlauhawm a, kan sawi tum in hriat sual pawh ka hlau em em bawk. Thiam chantirna leh Chhandamna lam kan sawi lo a nia aw……RINGTU NUN KAWNG zawh tur kan sawi zawk, heti em ema khawvel kristianna kan petek nasa lutuk leh, Judaism an ding nghet em em thung khi kan cross examine a, chutah chuan THIL DIK LO kan hai chhuak dawn a ni.

JUDAISM leh CHRISTIANITY A RAH KHAIKHINNA ZUAI:

Judaism hi han en hmasa ta ila, kan Bible-a OT kan tih hi anmahni tana YHWH-in a pek, an rochun zel leh keini pawhin kan hman chhoh ve mai a ni zawk a, keini aiin an oral tradition leh talmud leh midrash te nen phei chuan an ngah fe zawk a, kum 4000 hei an dam khaw chhuak tawh a, doctrine-ah Kristian te angin an inhnial buaiin pawl hrang hrang chhiarsen lohah an darh ve reng reng lo a, doctrine-ah an buai ve reng reng lo mai a, an rinah hian an chiang a, an biak Pathianah hian an chiang a, a system-ah hian an chiang em em mai a ni.

Keini kristiante hian kum 2000 hmel kan hmu ve dawn ta thung a, kan phirsi dan em em te, kan rinnaa kan ngheh loh dan em em te, kan Pathian biak ber pawh kan sawifiah thei lo a, Bible pakhat ring si, heti khawpa tam denomination 41000 chuanga kan inthen darh mai te, kan biak Pathian nihna pawh kan sawifiah zo lo a, chauh thubarawhah hnar hnuaiah phatna a bo lo tih tidik turin, “chu tak chu a ropuina lai” te kan ti mai mai a, ‘grepte chu a thur thur nen’ tih nen thuhmun reng, kan boral zo takngial dawn e.

Mizo kristianna bik hi en ve leh teh ang, kum 118 kristianna hmel kan lo hmu ve ta a, chumi chhung chuan pawl te reuh te te 100 chuangah kan inphel darh seng sung hman a, rah kan chhuah lohzia leh kal leh chuan ngaihna hre loa kan hawi reng mai hi kan hai der thiang tawh lo. Kohhran inkhawmah damna a awm lo a, camping-ah kan dam zo chuang hek lo, hmasawnna lam a awm lo a, hnung tawlh zawngin kan kal mek. Kan Biak in, building, thawhlawm, administration, fashion leh style lamah erawh hma kan sawn thung. Chuvangin Christianity-a a loop hole hi kan en ngam a ngai a, RESTORATION of TRUE WORSHIP hi kan aupui a ngai tawh a ni ber mai. A tawi thei ang berin – Christianity hi a system-ah hian DIK LO lianpui a awm a ni kan ti a nih chu!

Mi thenkhat chuan he thu hi khawngaihna chang chawiin, “kalphung dik lam a ni lo, rinna hi a ni zawk” an lo ti leh ngei ang. Han sawi law law ila, OT-ah khan Yahshua tel loin ran thisen hmanga sual ngaihdamna chan an lo tum a, chu chu a theih tak tak loh a, kum tin an inthawi reng mai a ngai a. Tin, Jentailte tan kawng kharsak a ni tlat bawk a. Isuan chu huang zim leh famkim thei lo chu mi zawng zwng huapin a rawn zauh a, kum tin inthawina avanga sual ngaihdamna (atonement) chu a thisenin vawikhatah a rawn tlingtla ta a ni, a system dang erawh hnawl an nih thu zirtirna a awm miah lo. Chu sual ngaidamna changtu chuan Thlarau Thianghlim tanpuina nen Yahshua hniakhnung zui ve tura beisei kan ni ta a, keini lah chuan ‘chu zirtirna chu Yahsuan a la bo tawh’ kan ti ta daih si hi a dik loh tanna tak chu a ni ta a ni e. Kan kristian nun kum 2000-a upa hi han en ila, meng fiah tan chuan hai rual a ni lo alawm. Kan zoram kristianna hi han en ila, hetiang zela kan kal chuan kum za lo kal leh turah hian future kan nei tawh lo, min hringtu sapram kohhrante ang chiah khu kan hmabak chu a ni e, kan ralthum vek ang.

MIZORAM POLITICS:

Kan ram political system leh religious system hi han en vang vang teh u, khawi lam nge kan pan a, eng nge beisei kan nei reng reng le? Vote thlak te hi kan phur tawh lo em em hlawm a ni lo vem ni? A chhan chu kan beiseina hi min tithlawn nasa tawh em em a, beisei kan nei tawh lo a ni lo vem ni? Mizo mipuite han khawngaihthlakzia hi sawi ngaihna ka hre lo, nula pakhat ni ta se, a duh loh ve ve, a hnawl tawh ve ve te zinga mi pasalah a neih leh a ngai tihna a nih chu, a rapthlak asin………….

History kan en chuan, beidawnna piahah hian chhiat burhna a lo thleng thin a ni, chutah chiah chuan mizo mipui mutthlu, rinna hrui la vuan si, mutthlu bawk si te hi Pathian remruatna hnuaiah kan harh huk mai dawna beiseina kan nei a ni e. Chuta kan chavai chiah chu TRUE TEACHING hi kan puan a ngai chho dawn ta a ni. Hetah hian kan harhna chhan tur a awm a, chu chu Messianic Judaism harh tharna nen hian an inkungkaih dawn ta a ni e. Mizo hnam hian kan kal dan ngaiah hian future a nei em? Lo inzawt ve teh u le.

Sakawlh laka uire tur, Christendom, Setana brainchild institution hian Pathian Ram lo thleng turah hian chanvo a nei ve dawn tlat lo, a mipuite ka sawi lo a, a system hi a keh chhe dawn a ni. Chuta tan chuan Yahshua hnawl chuang si loa he christiandom kohhran kal sual hi kan hnawl ngam a ngai chho dawn a ni e.

Pathianin hnam pakhat chiah he khawvel hnamah hian a recognise a, chu chu Israel hnam hi a ni tlat. Kan duh emaw, kan duh lo emaw, kan national identity hi Pathianin Vanra ah a recognise zel dawn tlat lo, chu chu he leia lo champion-pui tlak a ni lo a nih chu. Yahshua thil tum hi kan lo hai rei ta mah mah a ni e, a lo kal leh hunah hian he khawvel hi Lalram pakhat, biak dan pakhat, hnam pakhat, tawng pakhat, culture pakhat, tradition pakhatah a rawn luan fintir dawn tih a chiang tlat, chu institution pakhat a rawn hman tur chu Pathianin kum 4000 chhung hnam pakhat a lo thlang tawh a, harsatna tinreng pal tlangtirin a lo enchhin char char tawh a, an tuar chhuak thei tih a lo finfiah reng tawh mai si a ni.

Tin, Mizo zawlnei kan tihte, heng Pu Saikhuma te, Pu Chawngkhupa te leh Pastor Chhawna leh midangte inlarnate hi an dik thui hmel riau mai. An thusawiah thil inang kan hmuh chu ‘Mizoramah THIM THUAH HNIH a lo thleng dawn a, chumi zawhah Zoramah khua a var ang’ tih a ni deuh vek mai bawk. Hei hi tunlai khawvel insingsak dan, politics, economics, religion, natural disaster te leh international event te han chikin a dik chhoh dawn tlat hmel a ni. A dik tak chuan kan ram leh kan hnam hi a tak rama kan luh dan tur eng project mah kan ram hruaitute hian an nei miah lo a, mahni pumpui bak hmangaih kan awm lo. Heti hi chuan duhthusamah kan thamral dawn tlat, chu chu kan hmu thiam a, chu chu kan ngai ngam lo a, he system thar hi kan ram kan kan hnam dam khaw chhuahna atan kan han duang chhuak ta a ni ber mai e. Mi thenkhat chuan kan ram leh hnam kan hmangaih vang tih hi an hrethiam lo ang a, ram leh hnam phatsanah min la rawn puh thung bawk ang.

KAN RAM KOHHRANTE HI LE?

Kohhran hi han en teh u, eng nge rah a chhuah? Engmah a ti lo, chhiatna atangin chhiat lehzualnaah kan kal muah muah, chu chu hmuh pawh a hmu thiam hek lo……. Inkhawmah tu mah an dam zo tawh lo a, camping-ah an dam zo hek lo, a aia tha system engmah a kohhran mipuite offer tur a nei tawh lo, inropui siakna game chiah a khel tawh…….kan ramah hian thlarau lam mitdelna hri a leng a, an hmu thiam lo a, an la hlim thei mai mai a nih hi aw….2000 hnu lama piangte hian hetia kan kal zel chuan Pathian hi an ring thei tawh lo ang, khawthlang ram kohhran ang khuan hetia kan kal zel chuan tun atanga kum 10-ah kan lut chho tawhin ka ring.

En chik ang aw – Mizo hnam hian Kristianna kum 100 chuang hmel kan lo hmu ta a, kan thatpuina tam tak a awm a, mahse tuna kan kal dan en hi chuan, a tha zawngin thil hi a inher chhuak dawn tawh tlat lo, chhiat lam kan pan tlat, chu chu a fawng chelhtu, a thau sawktu, a zar zotute chuan an hmu thiam duh lo ang a, an pawm duh lo ang, mahse chu chu thu dik a ni si. Chutichuan thil dik lo eng emaw a awm chiang tih kan pawm a tul ta a, tichuan kan vela mite nen kan inkhaikhin a ngai ta bawk a, chutah chuan khawvela hnam, culture & tradition-a No.1 chu Judaism khu a lo ni reng mai tih kan hmu thiam ta tlat a ni. (Dan leh khawngaihna kan inchaltauhtir avangin kan Kristian religiousity hian Judaism hrim hirm hi kan hmusit tlat mai thung a)……….

History kan en a, hmanlai hnam ropuite an chuai leh vek tawh, an hniak bak kan chang tawh lo, Sumerian, Assurian, Babylon, Medo-Persian, Philistians, Egyptians, Greeks, Romans, Hits, Moabs, Medians, Syriana, Ottomans, Abbasids, Seljuk Turks….an ropui vanglaia Israel lo rapbet tawhtu te vek an ni, mahse an boral vek tawh !!

Tah hian “Pathian hi chu a van tha tak em” tih hluai ngawt tur a ni lo, kan hnam hian Israel chakna thuruk chu apply ve nachang kan hre tur a ni ta chiah a ni. Eng nge an chakna thuruk chu? Eng nge a chhan? Kum 4000 an dam khaw chhuak thei a, an la pure em em thei a, an sakhua a la pure a, an culture a la pure a, an tradition an la thlah lo bawk??? An consistency leh an perseverance leh an principle hi a lo genuine bik tih kan va hmu chhuak ta a ni.

ENGE SYSTEM DIK CHU:

Ni e, a system leh a mihringah hian perfect hi chu he khawvelah a awm thei chuang lo ang, mahse ‘towards perfection’-a kal ve turin Yahushua’n min beisei a, keini lah chuan khawngaihna leh rinna chu kan thut khaw muanpui ta daih mai thung a, hei hi a dik lo lai chu a ni e. Perfect kan tum ve hrim hrim hian kan thlen chin zelah Pathianin perfect-a min puan a lo tum ve reng a, kan theih loh pawhin Isua’n min sawisak zel dawn a, TUM ve miah lo tan lawmman beisei ve chi a lo ni miah lo kan ti a ni e.YHWH-in duh taka a fate kaihhruaina atana a lo zam hi hnawl a nih chuan a petu Pathian hi kan zah lo tihna a ni tel bawk. Shema hi deut 6:4-ah a tih dan tur a inziak vek a, chu chu Juda hnam chakna thuruk an tih ber chu a ni bawk, Isua ring chung hian Judaism kalphung hian kal ta chiah ila, chu chu Yahshua tum, a teaching kan tih chu a ni.

Bible-a Pathianin a hnawl thu sawina awm miah lo, YHWH Festivals (moe’dim) te hnawla, pagan festivals te kan hmang ta daih hi a dik lo mai a ni lo, Bible hrilhlawkna leh hriat thiam theihna chabi, tuiah kan paih ang tluka pawi a ni. Khawngaihna hun hi a zo chho chiah ang a, a pawi dan turzia chu inchhirin ban a chen tak meuh meuh ang. A enga mah hmang lo chu ni ila thuhran (ka tawng huai ngam vak lo), kan hmang a nih rau rau chuan YHWH festival dikte hi kan hmang tur a ni e.
(Signs(ot) leh seasons (Moe’dim) lo pawimawhzia kan la rawn sawi chho bawk dawn nia, Prophecy zawng zawng chabi chu hetah hian an lo awm vek mai a ni, kum 2000 chhung thil inthup an ni e.)

YHWH festival te Juda festival emaw kan ti tlat a, kan tan a ni ve tawh lo emaw kan ti hi bumna a ni bawk, a petu chu kan Pathian YHWH hi a ni tlat. (He YHWH Festivals te hi Bible Prophecy chabi an ni a, chung hmanga Bible prophecy-te kan unlock dan te pawh a remchan chuan kan la thet hawng dawn nia)

Tichuan Babel-a tawng tih hran a nih hma, khawvela hnam hrang leh tawng hrang awm hma kha kan en ang a, hnam hrang an lo awm ta kha kan en zar zar ang a, Pentikos-a Thlarau Thianghlim lo thlengin a tum ber chu khawvel hi hnam pakhata kan luan luh leh a duh tih hi a ni tih a hriat chian a, chu chu a hnam thlan (Olive tak)a khawvel pumpuia hnam zawng zawngte kan luh khawm leh hi a ni ta tlat a nih chu. Chu lo chu system dang a awm thei tlat lo.

Chu hnam chu Israel hnam hi a ni e. Mahnia hnam kan lo champion-pui ve hi sakawlh thil thuk a ni bawk. A hmasa berah chuan khatia Judaism, an awpbeh ve mai mai hnam atanga zirtirna thar lo piang ta thut kha an chheh vel hnamte, anmahni aia hnam fing zawkte khan an lo en ve reng a, Thlarau Thianghlimin hna a thawk bawk a, Yahushua chu an lo ring chho ve ta sup sup a, Juda hnam zinga harhtharna chuan an sakhaw hlui an kalsan a, chu zirtirna tharah chuan an lo lut ve ta hlawm a. He lai chinah hi chuan a la tha em em, mahse an hnam, Juda hnam aia ropui zawk hnawl a, Juda hnam tih dana Pathian biak chu an patriotism leh an nationalistic rilruin a do ta tlat mai le. Chutih lai chuan Judaism hlui chuan chu zirtirna thar chu a lo helh ve em em mai bawk a. Hetah chiah hian Apostolte, mi mawl ve te te te hnualsuatna a lo chhuak ta a, thiamna pawh nei lo te chu an lo sit tan a, Greek leh Rome mi finghoin chu zirtirna thar chu an lo enkawl chho ta a ni. Engvang nge Juda te thlauthlak an nih a, eng vanga Gentail mi thiam rualin chu zirtirna thar chu enkawl ta daih nge an nih le? CE 150-ah chuan Juda pa leh Judaism chu chu zirtirna thar atang chuan an lo hnawl fel tan ta a nih chu.

ISRAELISM vs. EVERYTHINGISM:

Hetah chiah hian olive kung (Israel)-a olive suak(Jentail) zawm a, olive tak nihna va tawm chu mihring nationalism-in a pawm thei ta tlat lo a, hnam ropui zawk Greek leh Rom mi thiamte chuan olive kung va zawm chu an pawm thei lo a, olive suak (Roman kung) chu an rawn chher chhuak tan ta a ni. A nihna takah chuan hei hi thlarau khawvela sakawlhte inbeihna a ni a, a thawh khatna chu Constantine-an Romanism a rawn ching chhuak kha a ni a, indaidanna bang siam a ngai ta si a, chutah Judaism leh Juda pa pawm ve theih reng reng loh tur Trinity doctrine leh doctrine mak dangdai tak tak, Judate pawm ve theih reng reng loh tur chu an rawn duang chhuak ta chur chur mai a ni.

Kum sang a lo liam leh a, English-hoin khawvel chu an rawn awp ve leh ta thung a, kristianna chuan Thlarau Thianghlim harhtharna a lo chang ve mek bawk a, kar lovah khawvel chu an awp ta der mai a, an lalramah chuan an Missionary-te an rawn kal ve ta zar zar mai si a, Chu kristianna chu a ngial a ngana Bible anga an kalpui chuan hmana Constantine-a lo hlauh tawh tho, Judaism chuan Englicism chu a hliah khuh thei dawn tlat tih an hrethiam si a, Bible-a Juda rim nam an theih ang angte chu thiam takin English-ah an baptis te te a, chutah chuan Juda hming zawng zawngte English hmingah an thlak ta vek mai a ni. Hei hi an colonial strategy chu a ni ta chiah a ni, an thlak loh chuan khawvelah Israelism/Judaism hi an promote vak dawn a, chu chu an national economic leh political interest leh power game-in a tuar dawn si a, pawi zawng zawnga pawi ber mai chu YHWH hming pawh Bible atangin an thai bo ngam ta hial a, LORD chiah kan chang ta a ni. Mizoah chuan LALPA tih chiah kan chang ta a, kan biak hi tu ber nge tih hi kan hriat miah loh hian bumnaah kan lut daih thei a ni.

Helai kan sawi hian thlarau sualho dominion, Eph 6:12 chhoa principalities kha tlem kan sawi bawk ang e. Lalram ropui phenah te hian Thlarau Lalram ropui an ding luah vek mai a, chungte chu Daniela mumang leh inlarnaa sakawlh kan tihte kha an ni e. Mihring phena thluak bur tak tak chu heng Daimons te hi an ni.

Hun hnuhnungah kan lut a, kil tin atanga thil han chik hian keini hi last generation, Yahshua’n TUNLAI CHHUAN a tihte kha kan nih tawh hmel em em a, YHWH hunbi ruat RESTORATION ERA-ah kan lut chho mek a ni e.
Popular Christianity-in hun hnuhnung, kum sang lalram, vanram a sawi dan te hi an dik zat hlawm lo, thlarau khawvel an ni dawn ngawt lo, a diak diak chuan ka hrefiah ka la inti ngam teuh lo na a, Messia lalram hi he khawvelah hian a rawn intan tep tawh a, chu chu keiniho hian a nung chunga luh kan inbeisei a ni. He corrupted body, Setana gene kai erawh hi chu silfaisak kan ni thung ang.

Khawvela political system leh religious system, tuna kan hman lai te hi hnawl vek an ni dawn a, chu transit stage-ah chuan kan lut chho tan tlat. Kal sual min tih kan hlawh ngam a ngai chho ang, Isua leh a zirtirte kha an han insingsa chho kha a hun lai Judaism contemporary system tarmit atang chuan an KAL SUAL teh a nia. Tuna kan existing system hi Yahshua formula khan han buk teh ang aw, ‘an rah atanga en tur’ a tih kha, kan Mizoram existing political system leh kan religious system hi an rah en hian A KAL SUAL chiang bal tih hi ka hmu fiah lutuk tlat.

Pathianin Abrahama hruai chhuakin a hnam thlan a din a. Chuta tang chuan Juda hnam, Thuthlung Hlui kohhran a lo piang. Chu kohhran chu Mosia hun atangin “Torah leh zawlneite” hmangin an inkaihhruai. ‘Dan bu/ Torah’ hian ‘rinna’ inzirtirna mai ni lovin, an social life, economy, political setup bakah an hnam nunphung pumpui kawng hmang nei leh mumal takin a kaihruai. Chu kohhran inkaihhruainaah eng philosophy/ ideology mahin a pawlh dal lova, an nun a nghetin an inpumkhat tha.

Yahshua din Thuthlung Thar kohhran hmuh theih erawh chu a zirtir 12 te leh an aiawhtu puithiamten an kaihruai zel a; AD 378 chhoah Thuthlung Thar kohhran in “Bible ” an nei. Chu Bible erawh chu Torah ang lo takin; Paganism, Greek Phylosophy leh Constanine-a leh political conspiration ten a pawlh dal a. Chu chuan kristian society rinna thu-ah chauh ni lovin, kan nunphung kawng hrang hrangah nghawng tha lo a thlen nasa em em a ni. Juda society ang lo takin Kristian society chirizia leh pumkhat lohzia hi han en teh u, khawvel huapin kum 2000 chhungin denomination, dik inti ber theuh 44,000 chuang a piang tawh a, Mizoram bikah pawh kum 118 chhungin dik inti ber theuh denomination 100 chuang a piang hman! Khawiah emaw hian tih dik lo kan nei a ni tih chu in hmuthiam mai em le? A nihna takah chuan Council of Nicea-a Constantine-a ten thiam lutuka TORAH leh Pauline Theology an insualtir dan, chumi atana canon an compile dan hi kan man chhuak a ni ber mai e. Dan vs Khawngaihna hi zirtirna dik ziktluak a ni lo. Isuan Dan a rawn do reng reng lo, “Dan TIBORAL tura lo kal ka ni lo, Dan tifamkim tura lo kal ka ni zawk, chhun han pakhat te pawh a boral lo vang, lei leh van a boral hma chu” a ti a ni zawk si a.

Ka sawi tum ka la sawi zo lo na a, kohhran kan han sel takah chuan Bible-a Kohhran hierarchy chu Pathianin a fapa a rawn tir, a fapain zirtir 12 te a thlang chhuak, zirtir 12 ten kohhran enkawltu tur an thlang chhuak, chutiang zel chuan an kal chho zel… nihna hi hnuai lam atanga ruat a ni ngai lo, chung lam atanga ruat a ni zawk zel a nih chu. Presbyterian system-ah chuan he Bible system hi an hnawl ta a, mipuiin an aiawh an thlang ta daih thung, chutichuan kohhran upate hi Pathian ruat ni lovin, mipui ruat an ni ta thung, he system hi Pathianin a pawm ka ring thei lo, mipui atanga lo chhuak chu, a lo chhuahna chu greek political system, DEMOCRACY a ni a, a tobul chu DAIMONISM, chu chu tunlaia Demonism hi a ni e. A ruh langa sawi chuan (member-te leh kohhran upate ka tihna ni lovin) a system hi sakawlh leh ramhuaite system tihchhuah a ni tlat. Mipui aw Pathianin a huatzia hi Bible-ah kan hmu fo mai bawk, hei hi a nihna takah chuan Pathian Theocracy Setana’n Democracy hmanga a challenge-na kal zel kha a ni e. Mihring ruat chu Pathian ruat kan han ti ngawtte hi Rulin Evi hnena, “Pathian ang in lo ni dawn asin” a tih dawt philosophy kha a tobul chu a ni tlat.

LOOK AT THE JEWS!!

(Pathian a awm tih leh Bible hi a dikzia i hre duh tak zet a nih chuan Juda hnam khu chik mai rawh)

Khawvela hnam, sakhua leh culture & tradition pakhat mah hi kum 2000 chhung he khawvela um kual, cheksawlh, tihduhdah, thah burh burh an nih hnuah pure takin an la rawn ding chhuak leh thei lo hrim hrim, chuti a nih chuan chu chu Pathian thil tih a ni chiang, kan pawm vekin ka ring, mahse chu chu enga tinge kan ralkhat uipui tui lian thlir voh voh rik ngawt? Enga tinge keini hnam kum 100 lek exposure kan nei a, kan boral mai dawn bik? Enga tinge chu Israel-te chakna thuruk chu kan hnamah kan apply ve mai loh?? A chhanna a lo chhuak dawn ta a nih chu…………

Chu Juda Institution leh a system chu Isua khan a rawn enchhin a, a tha tawk a ti a, chu institution-ah chuan khawvel hi hruai luh a tum ta a, chu chu Setana chuan a ngai ngam lo a, Judaism vs Jentailism, Law v Grace , Torah v Pauline Theology, Action v Faith-in a rawn chotuah ta rup rup mai a, chutichuan chu olive thinga a suak zawm tur chu zawm ta lo chuan Olive suak Constantine-an a rawn din ta daih mai thung a ni.

Chu Judaism chu Pathianin a genuine dawn em tiin kum 2700 chhung tihduhdahna hmangin a enchhin leh ta a, fiah a dawl tlat mai a ni, Jentail ten kum 2000 an rahbeh hnuah, chu hnam leh chu institution chu a la rawn tho chhuak leh thei tlat mai….chu chu test of genuinty chu a ni. Mizoism hian Judaism hmusit tur hian eng nge kan nih chiah, zah nachang kan hre lo hi a zahthlak zawk, kum 4000 dam khaw chhuak thei institution hi kum 100-a dazat zo takngial tawh hnam hian a ZAH TUR a ni, sakhuana tur (poison) hian kan mit hi tidel teh suh se………thih leh dam kan sawi a nih hi……

Chutichuan chu Yahshua, Judate Lal, Lion of Judah, keinin kan lal leh kan chhandamtua kan lo pawm ve avanga min pawmtu chuan eng nge a rawn institute dawn tak le? Khawvel hi hnam pakhat, tawng pakhat, ram pakhat, culture pakhat, tradition pakhatah a rawn luan khawmtir ang a, Torah Teaching leh Instruction, a rim a ra kan la hriat ngai loh chu kum 1000 Jentail-ten kan zir ve chur chur ang.

Keinin, “Ka duh e, ka duh lo e, Mizo ka ni e, ka ni lo e, American ka ni e, saphun turin ka te tawk lo, chuti khati……” ti sateh mah ila, Pentikos nia Thlarau chuan kan indaidanna bang zawng zawngte hi min rawn THIAT vek dawn tho tho. Chuti a nih chuan kan boral zawh hma hian kan hnam hian chu lui chu kan luan fin ve mai ngam dawn em le? Kan hnam hi thih leh dam inkarah kan awm tawh a, duhthlanna fing kan siam a tul tawh em em a ni………

He thu hi in chik chuan Mizo nationalism kalh angin a lang hmasa ang a, mahse in chik lehzual chuan, kan ram leh kan hnam dinchhuahna thuruk a pai tih in zuk hmu thiam mai ang. Pathian thu tak hi religious system a ni ngawt lo, divine politics-Theocracy kan tih hi a ni tel vek a, chu chuan kan rin dan, kan ram leh hnam leh eizawnna, ni tin nun, khawtlang nun, ei leh in, incheina zawng zawng a huap vek tur a ni. He Huapzo philosophy, Pathian Divine Theocracy nia a tir tea Setana’n a cho a, political system hrang hrang hmanga a challenge chhoh zur zur a, a tawpah Democracy nena insu tur chu ni. Chuan Pathian Theocracy hi he laiah hian a dingchang ang a, he leiah hian Messia Lalram, van sawrkar a ding ang a, chu human civilisation lo ding tur chu Judaism hi a model tur chu a ni ang. Chu chu Abrahama hnena a tiam chu a ni a, chu chu Yahshua rawn champion-pui tur, khawvel hnam tinin an huat a, an do rawn tur chu a ni e.

Chutah chuan hmeichhe thlah, Israel te chauh an luh a rem tak loh avangin Serpent seed leh Woman seed chu an inchawhpawlh vek theih nan kum 2720 Pathianin min nghak tawh a, Israel hnam chu khawvel hmun tinah hrehawm tinreng tuarin a hnawt darh a, hnam tinah hian chu Israel hnam bo chu an in-assimilate vek tawh a, chutah chuan tu pawh a duh apiang, rul thlah leh hmeichhe thlah inchawhpawlh vek tawhte chu A RING APIANG an luh hi phalsak a ni tawh a, kan luhna tur hi THUPSAK kan ni rei tawh em em a, chu chu a hun takah, kum 7 a la awmin Nova hnena ni 7 a la awm chiah chiaha “lawng”-a lut tawh tura Pathianin thu a pe ang khan, nang leh kei hi chu Israel lawngah chuan lut turin min rawn sawm ta a ni e.