He post thupui hi Eden Sual ti lova Eden Natna ka tih kherna chhan hian awmzia a nei a. Chu chu sual inti ve lo, fel inti deuh deuh, insum thei deuh, family background leh khuahkhirhna that deuh avanga sual lama hun remchang nei lem lo te’n sual tih thumal hi mi dang chanchin sawina emaw, social evils la deuh heng rukrukna, tualthahna, ruihhlo ngaihna, uirena, imbumna, eirukna, adt, chiah hi emaw an tih thin vang a ni ber mai
Natna han tih erawh chuan inthlahchhawn avang pawha kai theih, fel leh tihthat em vang ngawta pumpelh ngawt theih lo, mi zawng zawng huap, pastor pawh, naupang pawh, putar pawh, nula vanglai hmang mek pawh natna avangin an thi thei tih hi kan chiang tlang em em thung, mi zawng zawng huap thumal hi ka duh zawk vang a ni. Tin, dik pawh a dik zawk reng. Entirna tha deuh chu HIV+ tih te hi a ni.
Hebrai thumal ‘hamartia’ hi ‘sin’ leh ‘sual’ kan tih thumal chu a ni a. Hamartia awmzia chu nih tur ang ni lo tih a ni mai a. Cell hi an nih tur ang an nih loh hian cancer cell kan ti mai a, chutah chuan cancer sual kan ti lova, cancer natna kan ti ta mai anga awlsam leh fiah hi a ni.
IN CHHIAR ZEL HMAIN: He thu hi sawi nuam lo mah se SUAL thu kan chai fo a, kan man fiah hleih theih si lo te, Pathian hnung kan han zui ve dawn ta a, kan kal ngil hleih theih tlat lohna chhan te, Pathianin thisen a ngaih pawimawhzia leh Isua virgin birth a ngaihzia te, Isua thisen thianghlim chiahin tlanna a thawh theihzia te, chu thisen chu a luan ngei a ngaihzia te, mihring thinlung hi sual chhe leilet der Pathianin a tihna chhan te, kan telomeres a kang chah a, kan tar takna chhan te, chumi rah avanga kan cell an in-regenerate reng lohna chhan leh chumi avanga kan thih takna chhan te, kan thil hmuh, sawi, ngaihthlak, hip luh, leh nerve atanga thlarau sualin min trigger theihzia te hi hei chiah hian a sawi fiah thei thung si a ni.
SAWI TAN ANG LE:
Inherited sin, Adama bawhchhiatna vanga mi zawng zawng misual kan lo nih tak vekna hi eng nge a nih chiah? Science atanga kan thlir chuan inherited/hereditary reng reng chu gene atang vekin a ni tih kan hre bel ropui si a. Bible-a inziak Logos level-a kan hmuh a chipchiara sawi nawn ngai lo khawpin kan bel tawh vek e, Eden huan a awm a, a laiah thing 2 an to a, Rulin a rawn thlem a, thei ei loh tur chu an ei ta tih mai a ni.
Zawhna awm ta chu, thei ei avanga thlahte zawng zawng hrem burh emaw, thlahte zawng zawng kan chhe ta vek mai hi engti dan nge ni ngai? Chu chu Pathian hmangaihnaa khatin a ti dawn em ni? “Thei ei’ hian gene a khawih chhe theiin kan ring em ?
Lal Isua ngeiin kaa lutin mihring a tibawlhhlawh thei lo tih a sawi chiang bawk si a? Mi thenkhat chuan thu an awih lohna lai tak kha alawm an ti mai thei. Thuawihlohna chu decision leh action inkawp a ni a, gene-a inkaichhawn thu a awm si lo. Pu Samdala’n mi huana thei a ei ru a, chuvang chuan a fateah thil pawi a thleng thei lo hrim hrim, huan neitupain a fate zawng zawng a hrem a nih chuan huan neitupa chu MISUAL a ni tihna a ni leh chiah bawk ang, chu chu lei leh van lal ber pawh ni raw sek sek, ka pa pawh ni raw sek sek, MI NUNRAWNG VAWRTAWP a nihna chu sawi mam chawp ngaihna hi a awm chuang lo. Chu chu miin an pawm duh lo a nih chuan a pawm lotute zawng zawng pawh chu an bias em em tihna a ni leh bawk a, Justice DAN hmaah chuan HREM an phu vek zawk bawk. Ngaihtuah chiang deuh teh ang u……
Science atang bawkin mihring cell-te hi automation-a in replace reng tura design a lo ni reng tih kan chhiar bawk si a. Engatinge chu cycle chu tawp chin a awm tak a, kan lo nat a, kan lo tar a, kan lo thih theih tak si? Chu cycle control-tu chu DNA a ni reng si a, chuvangin mihring tlukna, he Eden natna hi thei ei vang ngawta lo awm a ni thei lo tlat. Thei chu an ei ngei ang, Bible-ah a inziak miau si a, mahse kan THIHNA chhan hi life science atang hian kan lo chiang ta a, DNA mutation leh genetic error a ni lo thei lo tlat a ni.
John Milton-a ‘Paradise Lost’ chhiar tawh leh lo hre tawh chuan in hre vek ang a. Bawhchhiatna hmasa ber kha sex hman khawloh a ni thei ang tih lam kha. Evi leh Adama te inkara sex hman kan sawi lo a nia aw, chu chu Pathian institution a ni chiang a. Pathian institution ni lo, beastility, ransain mihring a bum a, a pawngsualna, chumi avanga mihringa telomeres lo kang chat ta, DNA lo corrupt ta leh lo in-overwrite ta, hormone lo chhuah dan mumal lo zo ta, gene lo chhe ta ngei hi a ni, EDEN NATNA chu ni. Logic leh reasoning han hmang teh le.
Bible-a inziak chiah hi pawm tur kan ti maw, kan rin hi a lo Biblical meuh em enchhin ang aw? Genesis-ah Setana a lang reng reng lo a, rul erawh a lang, mahse Eden huanah Setana’n Evi a thlem tih kan hrethiam vek a ni lo vem ni? Chumi awmzia chu rul phenah Setana a awm tih hi a ni a, sawi lan a ni lo tihna a ni mai. Chumi awmzia chu figurative phenah factual a inphumru a, dual meaning a nei tihna a nih chu. Hetiang bawk hian factual thupa, figurative-a sawina emaw dual meaning neia ziah hi hmanlai ata tawh an literary style a ni daih tawh bawk. Huan phenah hmeichhe taksa, huan lai taka thing pahnih (nunna thing leh chhia leh tha hriatna thing ding thiang dun) phenah hmeichhe taksa lai taka nunna petu (reproductive organ) serh leh anus. Rul phenah mipa serh. Hmanlai sakhaw dik loah hian RUL leh SERH biakna hi a lo tam em em mai bawk nia.
Bible kan paih thla miah lo a nia aw, huan pawh a awm tak tak a, nunna thing pawh a awm tak tak a, chhia leh tha hriatna thing pawh a awm tak tak bawk, rul pawh a awm tak tak a, hmeichhia pawh a awm tak tak bawk vek, Bible-ah a inziak a, pawm mai hi a tha, mahse actual hi figurative anga hman a ni fo a, chutichuan thingkung leh thei phenah hian thil dang a awm thei lutuk tih hi a ni. Rul han tiha Setana tihna a ni tih kan hrethiam mai a, rul lu han tiha setana hnehna sawina a ni tih kan hrethiam vek ang maia awlsam hi a ni. Bible distort tumna lam ni lovin, hetiang thuziah hi prophetic writing kalhmang chikhat a ni zawk a ni. Daniela inlarna leh Thupuan bu ziah dan kal hmang pawh hetiang vek tho hi a ni.
NGAIHRUAT ANG LE……….
Hmeichhe virgin, mipa lama kutzungte pawh la lek chin miah lo, nute thurawn lakna tur pawh nei ve lo, thian titipui tur zeuh pawh nei lo, lehkhabu tha chhiar tur pawh nei lo, teenage dream pawh nei chhin eih loa nula puitling saa siam, innocent vawrtawp chu reptile (Nephilim alien)-in a ko fal ta a (Lucifera leh Setana hi mi thuhmun an ni lo a nia aw, Lucifera chu Fallen angels, Setana chu Demons Lalpa, post dangah kan la sawi fiah dawn nia) Chutichuan Evi, hnung lam leh hma lam pawh la hre hrang lo chu thei hmangin a attention a la peng te te a, eng nge lo thleng ta ang le? In rin loh deuh kha a lo thleng reng thei a nia aw, Evi hian pawngsual a tawk a, pawngsual a ni tih a inhrethiam lo thung. Sex hi kan taboo em avang leh Bible hi kan venerate em avang erawh chuan kan thinlung chuan pawm loh a duh zawk ang. Enga tinge sex chu kan taboo tak em emna chhan tih pawh hi a chhan chu he Eden huana pawikhawihna vang hi a ni leh chiah bawk ang tih pawh hi hriat thiam a har lo em em a ni.
Hmmm……….a ruh langin sawi mai ang, He reptilian beast god, Demons sakawlh Lalpa, Lucifera thurualpuipa Setana tia tlaikhawhnuah kan koh tak pa hian BUMNA hmangin Evi hi anal sex a hmanpui a nih hmel ber mai. Church of Satan ho kan pawm theih loh dan turzia chu in hrethiam mai em le? Kan nu (mother) pawngsualtupa hi engti kawng mahin, engtik hunah mah kan ngaidam dawn lo a ni tawp mai.
A co-relation en chho ang aw. Vantirhkohte tluksualna chu sexual perversion a ni tih kan hria a, tin, hmanlai sakhua dik lo zawng zawng khan sexual perversion hi an tinzawn deuh thup mai bawk, chutichuan 1+1 = 2 tih kan hrethiam ang mai hian, thil thleng inziak lo hi a lo awm thei tih kan hrethiam ta mai a ni. Bible-ah hian thil thleng zawng zawng hi an inziak vek lo tih hi pawm thiam bawk teh ang u. A inziak chin hi dawt phuahchawp an ni lo va, Pathian Thu an ni chiang bal a, inziak lo kan hnawl zel chuan chu chu Medieval hun lai ang mai a ni thei, a kalh a nih chuan hnawl ngam ila, a sawifiah ting zawk a nih chuan chu chu Pathianin a phal tawh a ni mai bawk ang chu.
Chutichuan, Pathianin anal sex a huat dan em em hi Eden huanah kan chhui lut thei ta tlat a nih chu. Animal sex leh beastiality video lo en tawh chuan in mitthla thiamin ka ring e. Evi chuan na a ti ngei ang a, eng nge a awmzia erawh a hrethiam nghal vek kherin a rinawm chuang lo. Thei ei loh tur chu a ei ta a, a bawhchhe ta chiah mai, genetic leh thlahte zela inhetited sin khawih thil chu thei ei ni lo, thei ei phena sexual perversion leh virus nge DNA mutation chu a thleng ta zawk a nih hmel ber.
Adam pawh chuan a hriatthiam mai a rinawm chuang lo, mahse thei a ei chu bawhchhiatna a tling der tawh, a pawi tur chu a pawi zo ta. Evi chuan a bawhchhe ta a, a thi dawn ta a, hetah hian hmeichhe convincing power leh mipa hmangaihna mitdel chu a lo lang ta, a hmangaihin a thihsan mai tur chu a ngai ngam lo a, thlem pawh ni ve lo chuan a duhthu ngeiin a nupui a thih chilh ve ta a nih chu. Engtin nge a thih chilh? E le… thei chu a ei ve a, tin, sex a hmanpui a, virus chu a kai ve ta nghal a ang tlat a ni.
Hei hi a nih a rinawmna em em chu, an bawhchhiat hnua emotional reaction lo lang hmasa ber pahnih chu an hlau a, an zak bawk. An saruak(chu chu serh lang sawina) an zahpui ta thut chuan Adama leh Evi chuan sex an hmang taah a ngaih loh theih loh a ni. Galatia-ah chuan hmeichhia chu bumin a awm a, mipa erawh chu bumin a awm lo ( a duhthlanna ngeiin a bawhchhia) tih kan hmu ta chiah a ni.
Sex hman hrim hrim chu Pathianin a khap lo. Mahse miin thei ei loh tur a pan a, a ban a, a lawh a, a ei bawk si chuan chu tluka Pathian thuawih lohna chu a awm lo a, Pathian Thu miin a awih loh hian Pathian custody atangin a chhuak ta chiah thin a, chutih lai chuan Setana’n a rawn pawngsual ta mai a nih chu. Chu mai chu ni ta se, Adama tan a la pawi chuang lo cheu mai, Evi chu a thi ang a, a ni erawh chu a thih ve kher a ngai lo vang. Mahse thil pawi a thleng nawn ta a ni. Chu chu he a kaichhawn ve tur ena lo pian dan chu mutation a ni mai a, chu chu Setana expert-na lutuk a ni. God creates and Satan mutates pawh an lo tih bawk hi.
Heng zawng zawng hi Pathianin Adama leh Evi kha a hrilh kilh kelh hauh lo vang, a hrilh kilh kelh chuan Setana hian chance a nei dawn lo va, Pathian chu partial leh injustice-ah a puh let hlauh thei dawn a ni.(He lai Pathian leh Setana, bawhchhiat hnua Setana tiboral lova zuah a la nih chhan court room scene hi topic hran a ni) Pathian han fair-zia leh han just-zia chu Setana nen tu nge dik zawk tih an zawnnaah 50/50 chance eng lai pawhin Setana chu a pe reng zawk a ni.
Pathianin an inven nan hint/clue a pek awm chhun chu ‘a thu an awih tur a ni’ tih lek hi phal a ni. Pawi ta em em chu chu thuawih loh zeuhin bumna, pawngsualna, leh amah leh a chhulchhuak zawng zawng thihpui ngei ngei tur khawpa DNA overwrite thei leh genetic khawih buai thei virus an kai phah ta hial chu a ni zawk. Hei hi a chinchhuakin Juda te khan hre lem lo mah se, nausen a lo pian atanga ni 8 hma ngeia sual thawina an hlan tur leh ‘serhtan’ a lo ngai te nen khan a lo inzawm reng thei ta a ni.
Chu natna hrik chu an fate’n an theh darh avangin Pathian hnenah sual thupha an lo chawi a ngai zawk a ni. ( birthday lawm lampang chu a lo ni vak lo). Tin, the soul is in the blood, the soul that sinned shall die tih te (he chang hi mizo tawngin a awmzia zuk phawk dik thei reng reng lo va), thinlung hi bumhmang, chhe lailet der a ni a tihna chhan te pawh blood circulation-in he virus-a taksa hmun hrang hranga a put darh a huatzia sawina pawh a ni bawk awm e.
He natna hi min tlantu tur Isua khan a kai ve thiang lo a, mihring DNA leh mutated gene tel lo, thisen thianghlim ngei chauh puin a lo pian a tul ta a ni. Replacement leh Atonement a nih dawn reng reng chuan a chhia chu a thain, a bawlhhlawh chu a thianghlimin an thleng tur a ni reng si a. Chu chu virgin birth a ngaihna chhan chu a ni ta chiah a ni.(alma lam chu kan chai hrep tawh kha). Chu chu serhtan hmanga temporal deuha a hnam thlan a lo quarantine-na chhan pawh a ni thei ta a ni. Serh han sawi chuan sexual pleasure hi nerve hriatna avanga chauha awm a ni a, kan serh (penis leh clitoris) hi kan taksa puma nerve network hmawrbawkna bilh bawlawk, sensitive lai ber mai chu a ni a, chu nerve chu thlarau sualten an khawih chakzia leh an expert-zia hi sawi zau pawh a chakawm khawp mai. Chu chu thisen bawlhhlawh tawh paihna bak ah nerve thununna atana serhtan a tulna chu a lo ni ta a ni.
He lai thu-ah hian Aliens DNA leh mihring hmasa DNA chawhpawh hmangin keini mihringte hi siam kan ni tih Conspiracy Theory pawh hian base a nei ta a nih chu. Scientist rual thenkhat pawh in kan DNA hi overwrote a lo nih reng theih thute pawh an ziah chhiar tur a awm a ni.
He DNA overwritten avanga natna kan vei chhoh tak zawng zawng leh a effect rapthlakzia, growth hormone a khawih chhiat avanga cell thang dik thei ta lo, kan pian leh hmel lo chhe zo ta leh ageing, hormone hrang hrang a control tak tlat avanga kan behavior- thinurna, huatna, mahni hmasialna, chapona, insumtheihlohna, adt. kan lo pianchhuahpui tak te hi Bio-chemistry leh life-science-in an rawn hre chhuak chho zel a, la fiah chho zel tur a ni ang. He mutated DNA hi chawh thawh leh kaih harh chu thlarau khawvela energy-in an tum tak ber hi a nih hmel.
A tawp nan, kan sual aka kan NATNA hi sim ngawt theih a ni lo, Thlarau sualin rawn activate an tum ngar ngar a, Thlarau Thianghlim erawh chuan kai thawh loha dormant-a dah a rawn tum ngar ngar thung ang.
He natna hi mihring zawng zawng hian kan kai vek a, tu mah fel, tha, perfect intia han chapo tur awzawng hi ka awm lo. Kan lo piang chhuak hi thihpui ngei ngei tur HIV aia rapthlak, kan mizia leh duhthlanna zawng zawng pawh eichhe vek thei NATNA kan rawn pian chhuahpui a, pumpelh a awm lo, kan thihpui ngei ngei dawn tih hi Bible-in min hrilh dan chu a ni e. NB: He natna mihringa dahtu hi Pathian ni lovin Setana a nih miau avang hian mihring kan thihna leh kan thih theihnaah hian Pathian ni lovin Setana hi a mawhphurtu dik tak chu a ni tih hi kan hre bawk dawn nia.